थप २३६४ मा कोरोना संक्रमण,३ हजार बढी डिस्चार्ज,१७ को मृत्यु
काठमाडौं । नेपालमा पछिल्लो २४ घण्टामा २ हजार ३ सय ६४ जना कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा ९ हजार ७ सय ६९ जनाको पीसीआर परीक्षण गर्दा २ हजार ३ सय ६४ जनामा कोरोना पुष्टि भएको हो । उपत्यकामा मात्रै १ हजार ६ सय १५ जना संक्रमित भएका छन् । काठमाडौंमा १ हजार ३ सय ३८, भक्तपुरमा ९७ र ललितपुरमा १ सय ८० जना संक्रमित भए । यो संगै सङ्क्रमितको सङ्ख्या एक लाख ६४ हजार सात सय १८ पुगेको छ ।
मन्त्रालयका अनुसार पछिल्लो २४ घण्टामा ३ हजार ३८ जना डिस्चार्ज भएका छन् । अहिलेसम्म डिस्चार्ज हुनेको संख्या १ लाख २४ हजार ८ सय ६२ रहेको छ । नेपालमा निको हुनेको दर ७५.८ प्रतिशत रहेको छ ।
यसैगरी, कोरोना संक्रमणबाट देशभर पछिल्लो २४ घण्टामा १७ जनाको मृत्यु भएको छ । मन्त्रालयका अनुसार नेपालमा कोरोना भाइरसबाट मृत्यु हुनेको संख्या ९ सय ४ पुगेको छ । नेपालमा संक्रमित हुनेहरुमध्ये ०.६ प्रतिशतको मृत्यु भएको छ ।
हाल ३८ हजार नौ सय ५२ जना सक्रिय सङ्क्रमित आइसोलेशनमा रहेका छन् भने दुई हजार ६ सय ८९ जना क्वरेण्टीनमा रहेको मन्त्रालयले जनाएको छ ।
