‘भन कति पैसा चाहिन्छ न्याय दिन, म तिर्छु’
काठमाडौं । मुलुकमा महिला हिंसा बलात्कार लगायतका घटना बढेको भन्दै नेपाल जेसिस आवद्ध समूहले काठमाडौंमा रचनात्मक कार्यक्रम सहित प्रदर्शन गरेको छन् ।
सामाजिक संस्था नेपाल जेसिस अन्तर्गत ललितपुर लुभु शाखा आवद्ध समूहले काठमाडौंको माइतीघरमा महिला हिंसा बलात्कार लगायतका घटना बढेको भन्दै सरकारको ध्यानाकर्षण गराउन प्रदर्शन गरेको हो ।
उनीहरुले महिला हिंसा र बलात्कार बिरुद्ध जनचेतना फैलाउने उद्देश्यले नेपालको झण्डा, हात र टाउकोमा कालो पट्टी, ब्यानर र प्लेकार्ड सहित सडक नाटक र कविता वाचन गरेका थिए ।
उनीहरुले नारीको सम्मान गर्न सिक, तिमी हेरेरै बस सरकार भोलि कसैले तिम्रो ईज्जत लुट्छ लगायतका प्लेकार्ड प्रदर्शन गरेका थिए । महिला हिंसाका घटना बढेको भन्दै पछिल्लो समय निरन्तर प्रदर्शन हुँदै आएको छ ।
