प्रचण्डले भने- ‘प्रधानमन्त्रीको राजीनामा दिल्लीले होइन, मैले मागेको’
काठमाडौं । सत्तारुढ नेपाल कम्युनिस्ट पार्टीको जारी स्थायी कमिटी बैठकमा प्रधानमन्त्री केपी शर्मा ओलीको बोलीमाथि छलफल भइरहेको छ । बैठकमा शीर्ष नेताहरुले अध्यक्ष एवं प्रधानमन्त्री ओलीले आफूलाई प्रधानमन्त्रीबाट हटाउन खोजिएको भन्ने अभिव्यक्तिबारे प्रश्न उठाएका थिए ।
भारतीय दूतावास आफूलाई प्रधानमन्त्री पदबाट हटाउन लागिपरेको ओलीले दाबी गरेका थिए। तर नेताहरुले भने ओलीले आफूलाई कसलाई हटाउन चाहेका हुन् भन्ने बारेमा प्रमाण सहित स्पष्ट पार्नुपर्ने माग गरेका छन् ।
ओलीले पार्टीभित्रैबाट आफूलाई हटाउने प्रयास भइरहेको मनसायबाट प्रश्न उठाएपछि अर्का अध्यक्ष पुष्पकमल दाहाल प्रचण्डले राजीनामा दिल्लीले नभई आफूले मागेको स्पष्ट पारेका छन् । स्थायी कमिटीमा प्रचण्डले भने, ’राजीनामा दिल्लीले मागेको होइन। मैले मागेको हो। तपाईं छोड्दिनुस्।’ मदन भण्डारीको जन्मजयन्तीमा आयोजित कार्यक्रममा प्रधानमन्त्री ओलीले आफूलाई हटाउन भारत सक्रिय भएको बताएका थिए ।
