‘नेकपा सचिवालयलाई विनम्र अनुरोध छ, हामीलाई कुरा सुन्ने र काम गर्ने सरकार दिनुहोस्’
काठमाडौं । नेपाली कांग्रेसका नेता गगन थापाले सत्तारुढ नेकपाभित्र देखिएको विवादप्रति कटाक्ष गरेका छन् । कोरोना संक्रमण फैलिँद गएको र फेरि यो बीचमा सलह किराको प्रकोप बढेको अवस्थामा सरकार चलाउनेहरु जोगिन र आफ्नालाई जोगाउन व्यस्त भएका भन्दै आपत्ति जनाएका हुन् ।
सामाजिक संजाल फेसबुकमा थापाले लेखेका छन्, ‘बालुवाटारमा तमासा छ ! सरकार चलाउनेहरु जोगिन र आफ्ना जोगाउन व्यस्त छन् । तर न त सलह किराले आफ्नो काम रोकेको छ न त कोरोना भाइरसले ! बरु यिनको त गति र प्रभाव बढ्दो छ । त्यसैले नेकपा सचिवालयलाई विनम्र अनुरोध छः अति भयो यो तमासा अब हामीलाई कुरा सुन्ने र काम गर्ने सरकार दिनुहोस्।’