प्रधानमन्त्रीको श्री ३ शैलीको अधिनायकवाद आफ्नै लागि घातकः अध्यक्ष लोहनी



डा. प्रकाशचन्द्र लोहनी, अध्यक्ष राप्रपा ।
सम्माननीय प्रधानमन्त्रीजी

१. विदेशी र स्वदेशी मिलेर नेपालको नयाँ नक्सा जारी गरे बापत तपाईँलाई हटाउन प्रयास हुँदैछ भन्ने तपाईँको आरोप पढियो ।

२. तपाईको विश्लेषण गलत छ किनभने तपाईँलाई हटाउन तपाईँ आफैं कसिएर लाग्नु भएको छ एक पटक शान्त भएर आफूले आफूले हेर्नुस् थाहा पाउनु हुनेछ ।

३. ठिक कुरामा जनता र दलहरुले तपाइँलाई सधै साथ दिएका छन् । तपाईँले भद्र भलाद्मी प्रतिपक्ष पाउनु भएको छ जो तपाईँको हत्तपत्ति बिरोध गर्दैनन् । नयाँ नक्साको बारेमा तपाइँको पार्टी र अन्य सबै पार्टी तथा आमनेपाली जनताले तपाईँलाई साथ दिएका छन् । विचार गर्नुस् कुनै विदेशीको मुख हेरेको भए यो एकता सम्भव हुने थिएन र संसदबाट सिमाना सम्बन्धी प्रस्ताव निर्विरोध पारित हुने थिएन । यो देख्ता देख्तै अरुलाई विदेशीबाट संचालित भन्नु तपाईँ बाहेक अरु कोही नेपालमा देशभक्त छैनन् भन्नु हो । यो भनाइले तपाईँ सबै नेपाली जनताको अपमान गर्दै हुनुहुन्छ । आफू बाहेक अरु सबैलाई विदेशीबाट संचालित छन् भन्ने दृष्टिकोण तपाईँको कमजोर र हतास मनस्थितिको परिचायक हो ।

४. तपाईँको बिरोध तपाईँ को श्री ३ शैलीको अधिनायकवादी र सर्वसत्तावादी संस्कार, भ्रस्टाचारलाई राजनीतिको प्रमुख अंग सम्झने प्रवृत्ति र आफ्ना भारदारहरुलाई देश जति लुटे पनि लुट्न छुट दिने तपाईँको नवसामन्ती प्रवृत्तिको कारणले हो । प्रजातन्त्रको नाममा आजको नयाँ पिँढीले तपाइँको भारदारी शासन स्वीकार गर्दैनन् । यदि म गल्ती हँु भने तपाईँले ओम्नी काण्ड , यति जग्गाकाण्ड, वाइडबडी जहाज कमिसन काण्ड , न्यारोबडी हवाई जहाज काण्ड, सुन काण्ड , एनसेल काण्ड जस्ता अनकौंको न्यायिक छानबिन गर्ने घोषणा गर्नुस् । साथै सबै दलका नेताहरुको सम्पत्ति छानबिन गर्न अधिकार सम्पन्न आयोग गठन गर्ने हिम्मत गर्नुस् । तर यो दुई बर्षमा सबैले देखिसके तपार्इँ यो नवसामन्तवादमा अडेको “ नौलो बहुदलीय भारदारी जनवाद “ अन्त गर्ने नैतिक हिम्मत तपाइँमा छैन । त्यसैकारण तपाईँका शुभचिन्तकहरु पनि तपाईँबाट देश चल्दैन भन्ने निचोडमा पुगेका हुन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लुम्बिनी प्रदेशका मुख्यमन्त्री पोखरेलविरूद्ध अविश्वास प्रस्ताव दर्ता

बुटवल । लुम्बिनी प्रदेशका मुख्यमन्त्री शंकर पोखरेलविरूद्ध तेस्रो पटक अविश्वास प्रस्ताव दर्ता भएको

४१ वटा राजनीतिक दलको आयोगद्वारा दर्ता खारेज

काठमाडौं । निर्वाचन आयोगले ४१ वटा राजनीतिक दलको दर्ता खारेज गरेको छ ।

ओली नेतृत्वको सरकारले गरेका जनविरोधी निर्णय खारेज गर्नुपर्छः रामकुमारी झाँक्री

काठमाडौं । नेकपा एमालेकी सांसद् रामकुमारी झाँक्रीले केपी शर्मा ओली नेतृत्वको सरकारको जनविरोधी

प्रचण्ड-नेपालबीच मन्त्रिपरिषद विस्तारबारे छलफल

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका वरिष्ठ