ललितपुरकी कञ्चन अमात्यलाई बेलायतमा शाही सम्मान
काठमाडौं । ललितपुरको जावलाखेल घर भई हाल अमेरिकामा बस्दै आएकी नेपाली चेली कन्चन अमात्यलाई शाही सम्मान साथ मानवता सेवा पुरस्कार प्रदान गरिएको छ । उनलाई बेलायती शाही परिवारद्वारा मानवता र सामाजिक कार्यमा गरेको असल कामको मुल्यांकन गर्दै उक्त सम्मान दिइएको हो ।
यो सम्मान बेलायती शाही परिवारको एक प्रतिष्ठित नागरिक सम्मान उच्च पुरस्कार हो । उक्त पुरस्कार अमात्यसहित १९ वटा अन्य राष्ट्रहरुका व्यक्तिहरुलाई सम्मान प्रदान गरिएको छ ।
जसमा बेलायत,क्यानाडा,मलेसिया,नाईजेरिया,तान्जेनिया र भारतका नागरिक समेत रहेका छन् । उक्त पुरस्कार ड्युक अफ क्याम्ब्रिज प्रिन्स विलियम र डायनाका भाई लर्ड एर्ल स्पेन्सर पुरस्कार समारोहमा वितरण गरिएको थियो । अमात्य गत बर्ष २०१९ मा डायना अवार्ड रोल अफ अनर बाट सम्मानित भइसकेकी छिन् । उक्त पुरस्कार कन्चन अमात्यकी आमा कृष्ण अमात्यले ग्रहण गरेकी थिइन् ।
