के बोलेका थिए अन्तरवार्तामा बाबुराम भट्टराईले र रेडियो नेपालले हटाउने अवस्था आयो ?
काठमाडौं । पूर्वप्रधानमन्त्री डा बाबुराम भट्टराईले सोमबार बिहान सरकारी सञ्चारमाध्यम रेडियो नेपाललाई दिएको अन्तरवार्ताले रेडियो नेपालमा तनाव भएको छ । अन्तरसंवाद कार्यक्रममा डा भट्टराईलाई अतिथिको रुपमा निम्त्याइएको थियो । तर सो अन्तर्वार्तामा भट्टराईले प्रधानमन्त्री केपी शर्माको आलोचना गरेपछि रेडियो नेपालमा तनाव भएको हो ।
रेडियो नेपालका कार्यकारी निर्देशकले मंगलबार विज्ञप्ति जारी गर्दै भट्टराईले ओलीप्रति लक्षित गरी प्रयोग गरेको भाषा र विचारले दुःखी तुल्याएको भन्दै माफी समेत मागेका छन् ।
अब उप्रान्त रेडियो नेपालबाट प्रशारण हुने कार्यक्रमहरुमा अतिथि चयन गर्दा गम्भीर रुपमा सचेत रहने कार्यकारी निर्देशक सुरेश कुमार कार्कीले उल्लेख गरेका छन् । अन्तरवार्तामा भट्टराईले प्रधानमन्त्रीमाथि निरङ्कुश, उदण्ड र भष्मासुर जस्ता शब्द प्रयोग गर्दै कडा आलोचना गरेका थिए ।
