राष्ट्रपतिलाई प्रश्नः महामारीका बेला दल फुटाउन सजिलो हुने संशोधनको औचित्य के त ?
सम्माननीय राष्ट्रपति ज्यू
सादर अभिवादन
नेपालको एक सामान्य नागरिकको हैसियत ले निम्न प्रश्न गरेको छु
१ . नेपालको संविधानको धारा ११४ बमोजिम संसद नबसेको बखत नेपाल सरकारलाई कानुनको अभावमा कम गर्न अप्ठ्यारो परे अध्यादेश जारी गर्न सकिनेछ ।
२ . मेरो प्रश्न छः के दल फुटाउन सजिलो पार्न ऐन संशोधन गर्नु आज देशमा देखिएको महामारीको अवस्थामा तत्काल गर्नुपर्ने काम हो र ? भूपु प्रधानमन्त्री शेरबहादुर देउवाको पालामा संसदमा तीन व्यक्ति मनोनयन गरि पठाउँदा तपाईंले महिनौं रोक्नु भयो । तर आज देशमा महामारीको झण्डै संकटकालीन अवस्थामा दल फुटाउन सजिलो हुने संशोधनको औचित्यबारे तपाईंको सक्रियता जनताले बुझेनन् । अब कसले बुझाई दिने ?
डा. प्रकाशचन्द्र लोहनी, अध्यक्ष, राप्रपा
