कोरोना रोकथामको सरकारको कदममा कांग्रेसको साथ
काठमाडौं । प्रमुख प्रतिपक्षी दल नेपाली कांग्रेसले कोरोना रोकथाम तथा नियन्त्रणका लागि सरकारले चालेका कदमको साथमै रहेको बताएको छ ।
सोमबार प्रधानमन्त्री केपी शर्मा ओलीको अध्यक्षतामा बसेको विपद व्यवस्थापन परिषद्को बैठकमा । कांग्रेस सभापति शेरबहादुर देउवाले सरकारले चालेका कदमहरूमा साथै रहेको बताउनुभएको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।
बैठकमा प्रधानमन्त्रीले कोरोना संक्रमणको महामारीसँगै अब वर्षातको समय आउन लागकाले बाढी पहिरो लगायतका प्राकृतिक प्रकोपहरुको पूर्व तयारीका योजना बनाउनुपर्ने भएकाले बैठक आयोजना गरिएको बताएका थिए । उनले सरकार सबै खाले प्रकोपहरुसँग जुध्न र जनधनको सुरक्षा गर्न कुनै कसर बाँकी नराख्ने बताएका थिए ।