गोकुल बास्कोटाको प्रश्नः छानबिन चलेकैबेला कसैको मिथ्या आरोपमा मैले ल्याप्चेलाई दिनु पर्ने ?

काठमाडौं । पूर्वमन्त्री गोकुल बास्कोटाले आफूलाई कीर्तिनिधि विष्ट र केशरबहादुर विष्टसँग तुलना गर्दै आफू अनैतिक र भ्रष्ट नभएको दाबी गरेका छन् ।

शनिबार ट्वीट गर्दै विष्टले भनेका छन्, एक जनाले मात्र प्रश्न खडा गर्नासाथ राज्य संयन्त्रहरुलाई छानविन गर्न सहयोग पुगोस् भनेर राजीनामा दिएँ । सिंहदरवार जल्नासाथ कीर्तिनिधि बिष्ट र रगंशालामा दुर्घटना हुनासाथ केशरबहादुर बिष्टले राजीनामा दिए बाहेक कसले मैले जसरी राजीनामा दिएका छन ? अझ म अनैतिक र भ्रष्ट ?बात गर्छन् !

त्यस्तै उनले अर्को ट्वीट गर्दै भनेका छन्, पदमा टाँसिएर छनबिनमा काँडेतार हालेर लौ देखा पाईन हेरौ भनेको भए पो मुखमा रुमाल कोचेर बस्नु । छानबिन चलेकै बेला कसैको मिथ्या आरोपमा मैले ल्याप्चे लाईदिनुपर्ने ? घसिदिएको विष लाग्दैन, जिउ चिलाउने मात्र हो । लाग्न त पिउनु पर्छ,प्रियजन हो ।