देशमा सैनिक शासन लगाउने निर्णयबाट पछि हटे दक्षिण कोरियाका राष्ट्रपति
बीबीसी । मंगलबार देशमा सैनिक शासनको घोषणा गरेका दक्षिण कोरिएका राष्ट्रपति योन सुल यी ओल आफ्नो निर्णयबाट पछि हटेका छन् ।
बुधबार बिहान राष्ट्रपति सुलले सैनिक शासन लगाउने निर्णय फिर्ता लिएका हुन् । दक्षिण कोरियाको नेसनल एसेम्ब्लीमा रहेका १९० सांसदले सर्वसम्मतिले राष्ट्रपतिको उक्त निर्णयको विरोध गरेका थिए । त्यसपछि राष्ट्रपतिले मार्सल ल हटाएका हुन् ।
दक्षिण कोरियाका राष्ट्रपतिले भनेका छन्, ‘नेशनल एसेम्ब्लीको मागका कारण मार्सल ल हटाइएको छ । र, सेनालाई फिर्ता बोलाइएको छ । म नेशनल एसेम्ब्लीको माग स्वीकार गर्छु ।’
मार्सल ल हटाइएको केही घण्टापछि नै दक्षिण कोरियामा विरोध प्रदर्शन सुरु भएको छ । प्रदर्शनकारीहरूले राष्ट्रपतिको राजीनामा माग गरेका छन् ।
