तालिबानद्वारा अफगानिस्तानमा सरकार घोषणा
तालिबान समूहले अफगानिस्तानमाथि नियन्त्रण कायम गरेको तीन सातापछि सरकार घोषणा गरेको छ । समूहका अनुसार हसन अखुन्द अफगानिस्तानका नयाँ प्रधानमन्त्री हुनेछन् ।
उपप्रधानमन्त्री तालिबानका संस्थापक मुल्लाह गनी बरादर हुने प्रवक्ता जबिहुल्ला मुजाहिदले बताएका छन् । मन्त्रिपरिषद् गठनलाई तालिबान सरकार स्थापनाको दिशामा महत्त्वपूर्ण कदमको रूपमा हेरिएको छ ।
केही दिनयता तालिबानले जुनसुकै बेला सरकार गठनको घोषणा गर्न सकिने बताउँदै आएका थिए । तालिबानले तीन साताअघि अफगानिस्तानमाथि नियन्त्रण कायम गरेका थिए । राजधानी काबुलमा चाहिँ उनीहरूले अगस्ट १५ तारिखमा नियन्त्रण कायम गरेका थिए।
