विश्वमा १६ करोड ७० लाखमा कोरोना संक्रमण,१४ करोड संक्रमणमुक्त,भारतमा संक्रमण घट्दैछ
कोरोना भाइरस संक्रमणबाट विश्वमा एकैदिन १० हजार ५ सय भन्दाबढीको मृत्यु भएको छ भने ५ लाख ६२ हजार ६ सय भन्दा बढीमा संक्रमण पुष्टि भएको छ ।
हालसम्म विश्वभर १६ करोड ७० लाख ४० हजार ७६६ मा कोरोना संक्रमण भएको छ । संक्रमितमध्ये १ करोड ५६ लाख २१ हजार भन्दा बढी सक्रिय संक्रमित रहेका छन् । जसमध्ये ९७ हजार ४ सय भन्दाबढीको अवस्था गम्भिर रहेको छ ।
त्यस्तै, १४ करोड ७९ लाख ५० हजार ९२२ जना कोरोना संक्रमणबाट मुक्त भएका छन् । विश्वभर एकैदिन ७ लाख भन्दा बढी कोरोना संक्रमणमुक्त भएका हुन् ।हालसम्म ३४ लाख ६८ हजार ६५३ जनाको कोरोना संक्रमणबाट मृत्यु भईसकेको छ ।
कोरोनाका कारण विश्वमा सबैभन्दा बढी संयुक्त राज्य अमेरिका प्रभावित भएको छ । हालसम्म अमेरिकामा ६ लाख ३ हजार ८७६ जनाको मृत्यु भएको छ भने ३ करोड ३८ लाख ८२ हजार भन्दाबढीमा संक्रमण पुष्टि भएको छ ।
यस्तै, दोस्रो लहरको संक्रमणको ‘हटस्पट’ बनेको भारतमा संक्रमितको दैनिक वृद्धिमा दुई साता यता कमी आएको छ । पछिल्लो २४ घण्टामा २ लाख ४३ हजार ७७७ जनामा संक्रमण भएको छ । योसँगै भारतमा संक्रमितको संख्या २ करोड ६५ लाख २८ हजार ८४६ पुगेको छ ।
यस्तै पछिल्लो २४ घण्टामा ३ हजार ७८८ जनाको मृत्यु भएको छ । यो संगै कोरोना संक्रमितको मृतक संख्या २ लाख ९९ हजार २९६ पुगेको छ ।
