राजपरिवारमा रङ्गभेद नभएको राजकुमार विलियमको जिकिर
ब्रिटिश राजकुमार विलियमले राजपरिवार रङ्गभेदी परिवार नभएको बताएका छन् । भाइ राजकुमार ह्यारी र भाइबुहारी मेगन मार्कलको अन्तर्वार्तापछि ड्यूक अफ क्रेम्ब्रिजले पहिलो प्रतिक्रिया दिने क्रममा आफूले भाइसँग कुरा नगरेको तर गर्ने बताए ।
ह्यारी र मेगनले छोराको जन्म हुनुअघि उसको राजदरबारमा छालाको रङ्गको चर्चा भएको बताएका थिए । राजदरबारले यो विषय गम्भीर रहेको तर त्यसलाई दरबारमै सुल्झाइने बताएको थियो ।
लन्डनको एक विद्यालयको भ्रमणका क्रममा विलियमलाई एक पत्रकारले के राजपरिवार रङ्गभेदी परिवार हो भनी सोधेका थिए । त्यसको जबाफमा उनले भनेः ‘हामी रङ्गभेदी परिवार होइनौँ।’ भाइसँग अन्तर्वार्तापछि कुरा भएको छ भनी सोधिएको प्रश्नको जबाफमा उनले भनेः ‘छैन। मैले अहिलेसम्म उनीसँग कुरा गरेको छैन तर म गर्नेछु।’
