विश्वमा कोरोना संक्रमणबाट मृत्यु हुनेको संख्या २६ लाख नाघ्यो

विश्वमा कोरोना भाइरस संक्रमणका कारण मृत्यु हुनेको संख्या २६ लाख नाघेको छ । पछिल्लो २४ घण्टामा पाँच हजार पाँच सय भन्दाबढीको मृत्यु भएको छ । सन् २०१९ को अन्त्यमा चीनको वुहान शहरबाट सुरु भएको कोरोना संक्रमणबाट हालसम्म २६ लाख ५ हजार ९४ जनाको मृत्यु भइसकेको छ ।

हालसम्म विश्वमा ११ करोड ७४ लाख ३७ हजार ९ सय २८ जना संक्रमित भएका छन् भने ९ करोड २९ लाख ४६ हजार ५ सय ७१ जना संक्रमणमुक्त भएका छन् । संक्रमितमध्ये २ करोड १८ लाख ८६ हजार २६३ जना सक्रिय संक्रिमत रहेका छन् भने ८९ हजार ४९२ जनाको अवस्था गम्भीर रहेको छ । कोरोनाले सबैभन्दा बढी प्रभावित भएको अमेरिकामा ५ लाख ३७ हजार ८३८ जनाको मृत्यु भएको छ भने २ करोड ९६ लाख ९६ हजार भन्दा बढी संक्रमित भएका छन् ।अमेरिकामा धेरै समय पछि एक हजारभन्दा कमको मृत्यु भएको छ । अमेरिकामा पछिल्लो २४ घन्टामा सात सय ५ जनाको मृत्यु भएको छ ।

छिमेकी मुलुक भारतमा कोरोना संक्रमितका संख्या १ करोड १२ लाख २९ हजार नाघेको छ भने १ लाख ५७ हजार ८९० जनाको मृत्यु भएको छ । पछिल्लो २४ घण्टामा १८ हजार ६९१ जनामा संक्रमण पुष्टि भएको छ भने ९९ जनाको मृत्यु भएको छ ।