विश्वमा ७ करोड ७९ लाख मानिस कोरोना संक्रमणमुक्त,२३ लाख २० हजारको मृत्यु
विश्वमा सात करोड ७९ लाख ८० हजार १ सय ६३ जना कोरोना भाइरसका संक्रमित कोरोनामुक्त भएका छन् । हालसम्म विश्वमा १० करोड ६३ लाख ४२ हजार ८ सय ६५ जनामा कोरोना संक्रमण भएको छ ।
संक्रमितमध्ये २३ लाख २० हजार ४ सय ४५ जनाको मृत्यु भइसकेको छ । हाल विश्वमा दुई करोड ५८ लाख ९६ हजारभन्दा बढी सक्रिय संक्रमित छन् ।
कोरोना भाइरसबाट सबैभन्दा बढी प्रभावित अमेरिकामा हालसम्म दुई करोड ७५ लाख १९ हजार भन्दा बढी मानिस संक्रमित भइसकेका छन् । संक्रमितमध्ये एक करोड ७२ लाख ६८ हजारभन्दा बढी निको भएका छन् भने चार लाख ७३ हजार ५ सय २८ जना संक्रमितले ज्यान गुमाइसकेका छन् ।
भारतमा हालसम्म एक करोड आठ लाख २७ हजारभन्दा बढी मानिस संक्रमित भएका छन् । संक्रमितमध्ये एक करोड पाँच लाख २१ हजारभन्दा बढी निको भएका छन् भने कोरोनाबाट मृत्यु हुनेको संख्या एक लाख ५५ हजार २८ जना पुगेको छ।
