अमेरिकामा पछिल्लो २४ घण्टामा तीन हजार भन्दा बढी कोरोना संक्रमितको मृत्यु
विश्वमा ७ करोड १३ लाख भन्दा बढी मानिस कोरोना भाइरस संक्रमणमुक्त भएका भएका छन् । पछिल्लो २४ घण्टामा ४ लाख ४० हजार भन्दाबढी संक्रमणमुक्त भएसंगै ७ करोड १३ लाख ६७ हजार ८०७ जना संक्रमित कोरोनामुक्त भएका हुन् ।
यस्तै, कोरोना भाइरसको संक्रमणबाट पछिल्लो २४ घन्टामा १३ हजार सात सय ६९ जनाको मृत्यु भएको छ । मृत्यु हुनेमा सबैभन्दा बढी संयुक्त राज्य अमेरिकाका रहेका छन् । अमेरिकामा मात्रै २४ घण्टामा तीन हजार तीन सय ७९ जनाको मृत्यु भएको छ ।
पछिल्लो २४ घण्टामा विश्वमा ५ लाख ६७ हजार ७ सय ४१ जना नयाँ संक्रमित थपिएका छन् । योसंगै संक्रमितको संख्या ९ करोड ९३ लाख २२ हजार ६०४ पुगेको छ । हाल सक्रिय संक्रिमतको संख्या २ करोड ५८ लाख २४ हजार ११५ जना अहिले उपचारका क्रममा छन् । जसमध्ये १ लाख १० हजार ८७८ जनाको अवस्था गम्भीर रहेको छ ।
यसैगरी, संक्रमणको सबैभन्दा बढी असर परेको अमेरिकामा २ करोड ५५ लाख ६६ हजार भन्दा बढी संक्रमित भएका छन् । ४ लाख २७ हजारभन्दा धेरै संक्रमितको मृत्यु भएको छ । पछिल्लो २४ घण्टामा एक लाख ६६ हजार सात सय १७ जना संक्रमित थपिएका छन् ।
छिमेकी मुलुक भारतमा कोरोना भाइरस संक्रमणका कारण मृत्यु हुनेको संख्या १ लाख ५३ हजार ३७६ पुगेको छ । पछिल्लो २४ घण्टामा १५५ जनाको मृत्यु भएको हो । यस्तै पछिल्लो २४ घण्टामा १४ हजार ८९१ जना संक्रमित थपिएसंगै संक्रमितको संख्या १ करोड ६ लाख ५५ हजार ४३५ पुगेको छ । संक्रमितमध्ये अहिलेसम्म १ करोड ३ लाख १६ हजार भन्दा बढी संक्रमणमुक्त भएका छन् ।
