विश्वमा ६ करोड ८६ लाख भन्दाबढी मानिस कोरोना संक्रमणमुक्त
विश्वमा कोरोना संक्रमितको संख्या ९ करोड ६० लाख नाघेको छ । पछिल्लो २४ घण्टामा चार लाख ५६ हजार सात सय १० जना संक्रमित थपिएका छन् भने ५ लाख बढी संक्रमणमुक्त भएका छन् । हालसम्म विश्वमा ९ करोड ६० लाख ५ हजार ७६३ जना संक्रमित भएका छन् । संक्रमितमध्ये ६ करोड ८६ लाख २७ हजार ७७८ जना संक्रमणमुक्त भएका छन् ।
यस्तै, पछिल्लो २४ घण्टामा आठ हजार आठ सय ९७ संक्रमितको मृत्यु भएसंगै मृतकको संख्या २० लाख ४९ हजार २३८ पुगेको छ । हाल विश्वमा २ करोड ५३ लाख २८ हजार ७४७ जना सक्रिय संक्रमित रहेका छन् भने १ लाख ११ हजार ८४७ जनाको अवस्था गम्भिर रहेको छ ।
कोरोनाबाट सबैभन्दा बढी संक्रमित अमेरिकामा २ करोड ४६ लाख २६ हजार ३७६ जना रहेका छन् भन.४ लाख ८ हजार ६२० जनाको मृत्यु भएको छ । संक्रमितमध्ये १ करोड ४५ लाख ५१ हजार भन्दाबढी संक्रमणमुक्त भएका छन् ।
यसैगरी, छिमेकी मुलुक भारतमा संक्रमितको संख्या १ करोड ५ लाख ८२ हजार ६४७ पुगेको छ भने १ लाख ५२ हजार ५९३ जना संक्रमितको मृत्यु भएको छ ।