विश्वमा कोरोना संक्रमणमुक्त हुनेको संख्या ६ करोड ४० लाख नाघ्यो
विश्वमा ६ करोड ४० लाखभन्दा बढी मानिस कोरोना भाइरस संक्रमणमुक्त भएका छन् । पछिल्लो २४ घण्टामा ३ लाखभन्दा बढी निको भएपछि संक्रमणमुक्त हुनेको संख्या ६ करोड ४० लाख ८ हजार नाघेको छ । कुल संक्रमितको ७१ प्रतिशतभन्दा बढी संक्रमणमुक्त भएका छन् ।
यसैगरी पछिल्लो २४ घण्टामा ८ लाख २० हजारभन्दा बढीमा संक्रमण पुष्टि भएसंगै संक्रमितको संख्या ८ करोड ९३ लाख ५५ हजार ९१९ पुगेको छ । पछिल्लो २४ घण्टामा मात्रै विश्वमा १४ हजारभन्दा बढीको मृत्यु भएको छ । हालसम्म विश्वमा १९ लाख २२ हजार ५२ संक्रमितको मृत्यु भएको छ ।
कुल संक्रमितको २६.२१ प्रतिशत संक्रमित अर्थात २ करोड ३४ लाख २५ हजार ८४९ सक्रिय संक्रिमतको रहेको छ । जसमध्ये १ लाख ८ हजार ८९७ जनाको अवस्था गम्भीर रहेको वल्डोमिटरले जनाएको छ ।
कोरोना संक्रमणबाट विश्वमा सबैभन्दा बढी असर परेका अमेरिकामा २ करोड ४५ लाखभन्दा बढीमा संक्रमण पुष्टि भएको छ। ३ लाख ७८ हजारभन्दा धेरै संक्रमितको मृत्यु भएको छ । यसैगरी भारतमा संक्रमितको संख्या १ करोड ४ लाख ३२ हजार ५२६ पुगेको छ । १ लाख ५० हजारबढीको मृत्यु भएको छ ।
पछिल्लो समय धेरै जसो मुलुकमा तेस्रो चरणको संक्रमण फैलिएको छ भने कतै नयाँ प्रजातिको कोरोना देखिएकाले फ्रान्स, अमेरिका, भारत,जापान लगाएत देशमा पुन प्रतिबन्धहरु शुरु गरिएका छन् ।