मतपरिणाम उल्टाउन भनेको ट्रम्पको कल रेकर्ड सार्वजनिक



अमेरिकी राष्ट्रपति डोनल्ड ट्रम्पले जोर्जिया राज्यका उच्च निर्वाचन अधिकारीलाई निर्वाचन परिणाम उल्टाउन पर्याप्त मत खोज्न भनेको कल रेकर्ड सार्वजनिक भएको छ । वाशिङ्टन पोस्टद्वारा सार्वजनिक गरिएको रेकर्डमा ट्रम्पले जोर्जियाका सेक्रेटरी अफ स्टेट ब्राड रफेन्सपोगरसँग भनेका छन्, ‘म मात्र ११,७८० भोट खोज्न चाहन्छु।’

रफेन्सपोगरले त्यसको प्रतिउत्तरमा जोर्जियाको नतिजा सही भएको बताइरहेको सुनिन्छ । अन्य राज्यहरूसहित जोर्जियामा पनि जो बाइडनले जितेका छन् । बाइडनले कुल ३०६ इलेक्टरल कलेज मत पाएका छन् भने ट्रम्पले मात्र २३२ मत पाएका छन् ।

नोभेम्बर ३ को मतदानदेखि ट्रम्पले व्यापक रूपमा चुनावमा धाँधली भएको आरोप लगाइरहेका छन् तर उनले त्यसको कुनै पनि प्रमाण दिन सकेका छैनन् । सबै ५० वटै राज्यहरूले चुनावी नतिजालाई प्रमाणित गरिसकेका छन्।

त्यसका लागि केहीले पुनः मतगणना गरेका थिए भने केहीमा कानुनी सुनुवाइ पनि भएको थियो । हालसम्म अमेरिकी अदालतहरूले बाइडनको जितलाई चुनौती दिने ६० वटा मुद्दाहरूलाई अस्वीकार गरिसकेका छन् ।

अमेरिकी कङ्ग्रेसले भने जनवरी ६ मा चुनावी नतिजालाई प्रमाणित गर्न बाँकी नै छ । डेमोक्रेटिक उम्मेदवार बाइडनले जनवरी २० मा राष्ट्रपतिको कार्यभार सम्हाल्ने छन् । राज्यका दुईजना सिनेटरहरू छान्नका लागि जोर्जियाका मतदाताहरूले मङ्गलवार मतदान गर्दैछन् । उक्त नतिजाले सिनेटमा शक्ति सन्तुलन कस्तो हुनेछ भन्ने यकिन गर्नेछ ।

यदि दुवै डेमोक्रेटिक उम्मेदवारले जितेमा त्यहाँ रिपब्लिकन र डेमोक्रेटहरूको सदस्य संङ्ख्या बराबर हुनेछ र डेमोक्र्याटिक उप(राष्ट्रपति उम्मेदवार कमला ह्यारिससँग निर्णायक मत रहनेछ । डेमोक्रेटहरूले पहिले नै तल्लो सदन हाउस अफ रेप्रेजेन्टेटिभ्समा वर्चस्व कायम गरिसकेका छन् ।

फोन कलमा के कुरा भयो ?

वाशिङ्टन पोस्टद्वारा सार्वजनिक अंशमा ट्रम्पले जोर्जियाका सेक्रेटरी अफ स्टेटलाई वैकल्पिक रूपमा दबाब दिइरहेको र फुस्ल्याइरहेको सुन्न सकिन्छ । उनले जोर्जियामा चुनाव जितेकोमा जोड दिएका थिए र रफेन्सपोगरलाई भनेका थिए, ‘तपाईँले पुनः गणना गरेको भन्नुमा केही पनि गलत हुने छैन।’

रफेन्सपोगरले प्रतिउत्तर दिँदै भनेका थिए, ‘तपाईँको चुनौती भनेको के हो भने राष्ट्रपतिज्यू तपाईँसँग भएको तथ्याङ्ग गलत छ।’ उक्त कलमा पछि ट्रम्पले फुल्टोन काउन्टीमा मतपत्र च्यातिएको र त्यहाँबाट चुनावी मेसिनरी हटाइएको हल्ला चलेको बताएका थिए। त्यसलाई त्यहाँको जिम्मेवारी पाएका रफेन्सगोपरका वकिलले त्यस्तो नभएको बताएका थिए ।

त्यसपछि राष्ट्रपतिले अधिकारीलाई सम्भावित कानुनी परिणामको धम्की दिएका थिए । उनले भनेका थिए, ‘तपाईँलाई थाहा छ उनीहरूले के गरे भन्ने र तपाईँले त्यसलाई रिपोर्टिङ गरिरहनु भएको छैन। त्यो आपराधिक कार्य हो। तपाईँ त्यस्तो हुन दिन सक्नुहुन्न। त्यो तपाईँ र तपाईँको वकिल रायनका लागि ठूलो खतरा हो।’ त्यसपछि उनले अतिरिक्त ११,७८० मतका लागि भने, त्यसले उनलाई उक्त राज्यमा कुल २४ लाख ७३ हजार ६ सय ३४ मत प्राप्त हुनेछ। त्यो भनेको बाइडनको भन्दा एक भोट बढी मत हुनेछ, त्यहाँ बाइडनले २४,७३,६३३ मत पाएका छन् ।

उनले रफेन्सगोपरलाई उक्त राज्यको नतिजालाई पुनः परीक्षण गर्नुपर्ने बताए । ह्वाइट हाउसले हालसम्म उक्त विषयमा कुनै प्रतिक्रिया दिएको छैन ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कोरोनाभाइरसको भारतीय प्रकार विश्वव्यापी चिन्ताको विषय भएको विश्व स्वास्थ्य सङ्गठनको भनाइ

विश्व स्वास्थ्य सङ्गठन (डब्ल्यूएचओ)ले भारतमा पाइएको कोरोनाभाइरसको प्रकारलाई विश्वव्यापी चिन्ताको भेरिअन्टको रूपमा वर्गीकरण

भारतमा कोभिड संक्रमित घट्दै

भारतमा कोरोनाभाइरस (कोभिड–१९) बाट संक्रमित हुने व्यक्तिको संख्यामा केही कमी हुन थालेको छ

चीनको जनसंख्या केहीवर्ष एक अर्ब ४० करोडभन्दा बढी हुने

चीनको राष्ट्रिय तथ्यांक ब्युरोले चीनको जनसंख्या अझै केही वर्ष एक अर्ब ४० करोडभन्दा

भारतमा गङ्गा नदी किनारमा दर्जनौँ शव फेला

उत्तर भारतमा गङ्गा नदीको किनारमा कम्तीमा ४० वटा शव फेला परेका अधिकारीहरूले बताएका