विश्वमा कोरोना संक्रमणबाट १८ लाख ४३ हजार भन्दा बढीको मृत्यु
विश्वमा ६ करोड भन्दा बढी मानिस कोरोना भाइरस संक्रमणमुक्त भएका छन् । पछिल्लो २४ घण्टामा ४ लाख ५८ हजार भन्दा बढी संक्रमणमुक्त भएसँगै संक्रमणमुक्त हुनेको संख्या ६ करोड ९३ हजार नाघेको छ । यस्तै, पछिल्लो २४ घण्टामा पाँच लाख २२ हजार ७ सयभन्दा बढीमा संक्रमण भएसँगै विश्वमा संक्रमितको संख्या ८ करोड ४९ लाख ७५ हजार भन्दा बढी पुगेको छ ।
यसैगरी पछिल्लो २४ घण्टामा मात्रै विश्वभर ७ हजार ९ सयभन्दा धेरैको मृत्यु भएको छ । हालसम्म १८ लाख ४३ हजार ३१३ संक्रमितको मृत्यु भएको छ ।
विश्वमा सक्रिय संक्रिमतको संख्या २ करोड ३० लाख ३८ हजार ९६४ रहेको छ । जसमध्ये १ लाख ६ हजार ५१० जनाको अवस्था गम्भीर रहेको वल्डोमिटरले जनाएको छ ।
पछिल्लो २४ घण्टाभित्र थपिएका संक्रमितमध्ये अमेरिकामा सबैभन्दा बढी दुई लाख ६ हजार १३४ जना रहेका छन्। त्यस्तै, कोरोनाका कारण एक हजार ९४२ जनाको मृत्यु भएको छ । हालसम्म २ करोड ९ लाख ४ हजार भन्दा बढी संक्रमित भएका छन् । ३ लाख ५८ हजारभन्दा धेरै संक्रमितको मृत्यु भएको छ भने १ करोड २३ लाख ६१ हजार भन्दाबढी संक्रमणमुक्त भएका छन् ।
त्यसैगरी, भारतमा पछिल्लो २४ घण्टामा २१ हजार भन्दाबढी नयाँ संक्रमित थपिएका छन् भने २६६ जनाको मृत्यु भएको छ । संक्रमितको संख्या हालसम्म १ करोड ३ लाख २४ हजार नाघेको छ भने १ लाख ४९ हजार ४७१ जनाको मृत्यु भएको छ ।