ट्रम्प प्रशासनले अमेरिकी सुरक्षा निकायहरूमाव्यापक क्षति पुर्याएको बाइडनको भनाइ



अमेरिकी राष्ट्रपतिमा निर्वाचित जो बाइडनले अमेरिकाको सुरक्षा निकायहरूमा राष्ट्रपति डोनल्ड ट्रम्प प्रशासनले व्यापक क्षति पुर्याएको बताएका छन् । आफ्नो टोलीले रक्षा मन्त्रालयसहित अन्य विभिन्न निकायहरूबाट आवश्यक पर्ने सूचना नपाएको बाइडनले बताए ।

राष्ट्रिय सुरक्षा अनि विदेश नीति हेर्ने उनका सल्लाहकारहरूसँग छलफल गरेपछि उनले त्यस्तो बताएका हुन् । बाइडनले अमेरिकाका राष्ट्रपतिका रूपमा जनवरी २० मा पदभार ग्रहण गर्दै छन् । तर राष्ट्रपति डोनल्ड ट्रम्पले भने हालसम्म हार स्वीकार गरेका छैनन् ।

अमेरिकामा गत महिना राष्ट्रपतीय निर्वाचन भएको थियो । त्यहाँ राष्ट्रपतिको पदभार ग्रहण गर्नुअघि महत्वपूर्ण सूचनाबारे जानकारी गराइने प्रचलन भएपनि नोभेम्बर ३ मा भएको चुनावपछि हप्तौँसम्म बाइडनलाई त्यस्ता गतिविधिमा सामेल गराइएको थिएन ।

यस विषयमा ट्रम्प प्रशासनले तत्काल प्रतिक्रिया जनाएको थिएन । तर गत हप्ता पेन्टागनले समाचार संस्था रोयटर्सलाई आफूहरूले कैयौँ अन्तर्वार्ता गरेको र सूचना दिने अनि बैठक गर्ने काम जारी राख्ने प्रतिक्रिया दिएको थियो ।

सल्लाहकारहरूसँगको भिडिओ साक्षात्कार पछि सार्वजनिक गरिएको एउटा भिडिओमा बाइडनले आफ्नो टोलीले रक्षा मन्त्रालय र बजेट व्यवस्थापन गर्न कार्यालयमा कठिनाइ भोगेको बताएका हुन् ।

राष्ट्रपतीय निर्वाचन लगत्तै ट्रम्प प्रशासनले रक्षा मन्त्री मार्क एस्परलाई पदबाट बर्खास्त गरिदिएको थियो । त्यस बेला रङ्गभेदबारे भइरहेका प्रदर्शन मत्थर पार्न सेना परिचालन गर्ने विषयमा उनले विमति जनाएका कारण ट्रम्पले उनलाई पदबाट हटाएका बताइएको थियो।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कोरोनाभाइरसको भारतीय प्रकार विश्वव्यापी चिन्ताको विषय भएको विश्व स्वास्थ्य सङ्गठनको भनाइ

विश्व स्वास्थ्य सङ्गठन (डब्ल्यूएचओ)ले भारतमा पाइएको कोरोनाभाइरसको प्रकारलाई विश्वव्यापी चिन्ताको भेरिअन्टको रूपमा वर्गीकरण

भारतमा कोभिड संक्रमित घट्दै

भारतमा कोरोनाभाइरस (कोभिड–१९) बाट संक्रमित हुने व्यक्तिको संख्यामा केही कमी हुन थालेको छ

चीनको जनसंख्या केहीवर्ष एक अर्ब ४० करोडभन्दा बढी हुने

चीनको राष्ट्रिय तथ्यांक ब्युरोले चीनको जनसंख्या अझै केही वर्ष एक अर्ब ४० करोडभन्दा

भारतमा गङ्गा नदी किनारमा दर्जनौँ शव फेला

उत्तर भारतमा गङ्गा नदीको किनारमा कम्तीमा ४० वटा शव फेला परेका अधिकारीहरूले बताएका