विश्वकप फुटबलमा हलाण्डको दुई गोलमा नर्वे विजयी

काठमाडौं । फिफा विश्वकप फुटबलमा समूह चरणको दोस्रो खेलमा नर्वे विजयी भएको छ । सेनेगललाई ३–२ पराजित गर्दै नर्वे विजयी भएको हो ।

नर्वेको जितमा एर्लिङ हलाण्डले दुई गोल गरे भने मार्कसले १ गोल गरे । हलाण्डले खेलको ४८ औँ ५८ औँ मिनेटमा गोल गरेका थिए । विश्वकपका हालसम्मका खेलमा हलाण्डले चार गोल गरेका छन् । यस्तै, मार्कसले ४३ औँ मिनेटमा गोल गरेका थिए ।

यस्तै, सेनेगलका लागि इसामेल सारले २ गोल गरे । उनले खेलको ५१ औँ मिनेट र इन्जुरी टाइममा गोल गरेका थिए । नर्वेले पहिलो खेलमा इराकलाई ४–१ ले पराजित गरेको थियो । सेनेगल फ्रान्ससँग भने ३–१ ले पराजित भएको थियो ।