कर्णाली याक्सलाई दुई विकेटले हराउँदै जनकपुर एनपीएलको फाइनलमा
काठमाडौँ । नेपाल प्रिमियर लिग(एनपीएल) मा कर्णाली याक्सलाई हराउँदै जनकपुर बोल्टस फाइनलमा प्रवेश गरेको छ ।
बिहीबार त्रिवि क्रिकेट मैदानमा भएको दोस्रो क्वालिफायरमा जनकपुरले कर्णालीलाई दुई विकेटले हराएको हो । कर्णालीले दिएको ११९ रनको लक्ष्य जनकपुरले १९ ओभरमा ८ विकेट गुमाएर भेट्टायो ।
जनकपुरका जेम्स नीशमले १७ बलमा ४५ रन बनाए । कर्णालीका विपिन शर्माले २ विकेट लिए । यसअघि टस हारेर ब्याटिङको निम्तो पाएको कर्णालीले २० ओभरमा ९ विकेट गुमाएर ११८ रन बनाएको थियो ।
अब जनकपुरले फाइनलमा उपाधिका लागि सुदूरपश्चिम रोयल्ससँग खेल्नेछ । प्रतियोगिताको फाइनल खेल शनिबार हुनेछ ।
