एनपीएलमा कर्णालीले चितवनलाई दियो एक सय ७६ रनको लक्ष्य

काठमाडौं । नेपाल प्रिमियर लिग(एनपीएल)मा कर्णाली याक्सले चितवन राइनोजलाई १७६ रनको लक्ष्य दिएको छ । बुधबार त्रिवि क्रिकेट मैदानमा जारी एलिमिनेटर खेलमा कर्णालीले पूरै ओभर खेलेर ६ विकेटको क्षतिमा १७५ रन बनाएको हो ।

कर्णालीका लागि जयकिशन कोसावाला र विलियम बोसिस्टोले अर्धशतकीय पारी खेले । कोसावालाले ३९ बलमा ६ चौका र २ छक्का प्रहार गर्दै ५३ रन बनाए । विलियम बोसिस्टोले ३७ बलमा अर्धशतक पूरा गरे ।

उनले ५२ रनको योगदान गरेका छन् । विस्फोटक ब्याटिङ गरेका च्याडविक वाल्टनले २३ बलमा अविजित ४६ रन बनाए । यो खेलको विजेताले दोस्रो क्वालिफायरमा स्थान पक्का गर्नेछ । पराजित टोलीको भने एनपीएलको यात्रा समाप्त हुनेछ ।