नेपाल र भारतबीचको खेल वर्षाका कारण रद्द
काठमाडौं । यु-१९ महिला एशिया कप क्रिकेटमा नेपाल र भारतबीचको खेल वर्षाका कारण रद्द भएको छ । नेपालले दिएको ९५ रनको लक्ष्य पछ्याइरहेको अवस्थामा भारतले ३ ओभर १ बलमा एक विकेट पनि नगुमाई २८ रन बनाएको अवस्थामा खेल वर्षाका कारण रद्द भएको हो ।
खेल रद्द भएसँगै नेपाल र भारतले १/१ अङ्क बाँडेका छन् । योसँगै भारत समूह ’ए’ को विजेता बनेको छ भने नेपाल उपविजेता बनेको छ । यसअघि मलेसियाको क्वालालम्पुरमा टस हारेर ब्याटिङको निम्तो पाएको नेपालले २० ओभरमा ९ विकेट गुमाएर ९४ रन बनायो ।
नेपालकी कप्तान पूजा महतोले २५, एलिशाकुमारी यादवले नटआउट २० रन बनाइन् । भारतकी परुनिका सिसोदियाले ४ विकेट लिइन् । यु-१९ महिला विश्वकप आगामी जनवरीमा मलेसियामा आयोजना हुँदैछ ।
