सुदूरपश्चिमले विराटनगर किंग्सलाई दियो १८३ रनको लक्ष्य
काठमाडौं । नेपाल प्रिमियर लिग (एनपीएल)मा सुदूरपश्चिम रोयल्सले विराटनगर किंग्सलाई १८३ रनको लक्ष्य दिएको छ । टस हारेर पहिला ब्याटिङ गरेको सुदूरपश्चिमले निर्धारित ओभरमा ७ विकेट गुमाएर १८२ रन बनायो ।
सुदूरपश्चिमका लागि कप्तान दीपेन्द्रसिंह ऐरीले आक्रामक पारि खेल्दै टिमको स्कोर उच्च बनाउन महत्वपूर्ण भूमिका खेले । सातौं नम्बरमा क्रिजमा आएका दिपेन्द्रले २४ बलमा ५ छक्का र ३ चौकाको मद्दतले ५७ रनको नटआउट पारि खेले । यसैगरी ब्रेन्डन म्याकमलेनले २६ बलमा ३६ रनको पारि खेले ।
उनले समान दुई दुई चौका र छक्का प्रहार गरे । यसैगरी ओपनर विनोद भण्डारीले २० बलमा २३ रनको पारि खेल्दा ४ चौका प्रहार गरे । त्यस्तै, इशान पाण्डेले १६ बलमा २१ रन बनाउँदा सइफ जइबले १४ रन बनाए ।
स्कट कुजलेनिजिनले १० रन बनाए । यस्तै बसन्त खत्रीले ४ रनको नटआउट पारि खेले । विराटनगरका लागि अनिल खरेलले ३ विकेट लिँदा क्रिस सोल, इस्मत आलम र बसिर अहमदले एक एक विकेट लिए । जना खेलाडी भने रनआउट भएका थिए ।
