काभा यु–२० महिला भलिबलमा नेपाल तेस्रो
काठमाडौं । काभा यु–२० महिला भलिबल च्याम्पियनसिपमा नेपाल तेस्रो भएको छ । माल्दिभ्सको मालेमा मंगलबार सम्पन्न खेलमा आयोजक माल्दिभ्सलाई ३–० को सोझो पराजित गर्दै तेस्रो स्थान हासिल गरेको हो ।
नेपालले पहिलो सेट २५–१५ ले जितेको थियो। दोस्रो सेट २५–१० र तेस्रो सेट २५–१४ ले जित्यो। पहिलो सेमिफाइनलमा श्रीलंकाले आयोजनक माल्दिभ्सलाई ३–० को सोझो सेटमा पराजित गर्दै फाइनलमा स्थान बनाएको थियो।
