भिटोर बार्सिलोनामा अनुबन्ध
ब्राजिलियन फरवार्ड भिटोर रोक बार्सिलोनामा अनुबन्ध भएका छन् । बार्सिलोनाले स्पेनिस क्लबले एथलेटिको पारानेन्सबाट रोकलाई अनुबन्ध गरेको हो । १८ वर्षीय रोकले बार्सिलोनासँग ७ वर्षको सम्झौता गरेका छन् । बार्सिलोनामा आवद्ध हुँदा आफू निकै खुसी भएको उनले बताएका छन् ।
उनले भनेका छन्, ’बार्सिलोनामा आवद्ध हुँदा निकै खुसी छु । मेरो सपना पूरा भएको छ ।’ बार्सिलोना र रोकबीचको सम्झौता भने सन् २०२४ बाट सुरु हुनेछ । बार्सिलोनाले रोकलाई भित्र्याउन ३० मिलियन युरो खर्चिएको छ ।
एथलेटिको पारानेन्सका लागि रोकले ६६ खेलमा २२ गोल गरेका छन् । रोकले गत मार्चमा ब्राजिलको राष्ट्रिय टोलीमा डेब्यु गरेका थिए ।
