इङल्यान्ड र स्विटजरल्यान्डद्वारा विश्वकपमा स्थान सुरक्षित



इङल्यान्ड र स्विटजरल्यान्डले सन् २०२२ को कतार विश्वकपमा स्थान सुरक्षित गरेका छन् । समूह आइमा रहेको इङल्यान्डले गएराति भएको खेलमा दश खेलाडीमा समेटिएको सन मरिनो माथि दश शून्य गोल अन्तरको विशाल जित हात पार्यो ।

उसका लागि हेरी केनले चार गोल गरेका थिए । हेरी मग्वावेरले छैटौं मिनेटमा हेडर  गोल गर्दै  इङल्यान्डलाई अग्रता दिलाएका थिए । १५ औं मिनेटमा मरिनोका फिलिपो फाब्रीले आफ्नै पोस्टमा गोल गरेपछि इङल्यान्ड दुई शून्यले अघि र्हयो । केनले २७ औं मिनेटमा पेनाल्टीमा व्यक्तिगत पहिलो गोल गरे ।

३१ औं मिनेटमा दोस्रो गोल गरेका उनले ३९ औं मिनेटमा पेनाल्टीमा गोल गर्दै ह्याट्रिक पुरा गरे । ४२ औं मिनेटमा केनले चौथो गोल गर्दा इङल्यान्ड पहिलो हाफमा ६–शून्यको अग्रता लिन सफल भयो ।  योसँगै केनले राष्ट्रिय टिमबाट ४८ गोल पुरा गरेका छन् । जुन गेरी लिङकरसँग बराबरी हो ।  ५८ औं मिनेटमा स्मिथ रोवीले गोल थपे । ६८ औं मिनेटमा  सन मारिनोका रोस्सी दोहोरो पंहेलो कार्ड पाउदै मैदान बाहिरिका थिए ।

६९ औं मिनेटमा टाइरोन मिङसले गोल गरे ।  इङल्यान्डका लागि उनको यो पहिलो गोल हो । ७८ औं मिनेटमा टमी अब्राहम र ७९ औं मिनेटमा बुकायो साकाले गोल गरेका थिए । इङल्यान्डले सन् १९६४ पछि पहिलो पटक अंकको जित हात पारेको हो ।

यसअघि उसले १९६४ मे मा अमेरिकालाई १०–० गोललेनै हराएको थियो ।  प्रतिस्पर्धात्मक खेलमा भने यो पहिलो पटक हो । यसै समूहको पोल्यान्डले प्ले अफ खेल्नु पर्ने भएको छ । गएरातिनै भएको खेलमा  रोबर्ट लेवान्डोस्कीको टोली पोल्यान्ड हंगेरीसँग दुई एक गोलले स्तब्ध भयो ।  स्विटजरल्यान्डले बुल्गेरियालाई ४–० गोलले पराजित गर्दै कतार विश्वकपमा स्थान पक्का गरेको हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
मनाङ मस्र्याङदी सेमीफाइनमा

काठमाडौं । २० औं आहा रारा गोल्डकपमा मनाङ मस्र्याङदी क्लब सेमिफाइनलमा प्रवेश गरेको

एपिएफ आहा रारा गोल्डकपको सेमिफाइनमा

पोखरा । सशस्त्र प्रहरीको नेपाल एपिएफ फुटबल क्लबले पोखरामा जारी राष्ट्रिय तथा अन्तर्राष्ट्रिय

आहा रारा गोल्डकपमा पुलिस क्वार्टर फाइनलमा

पोखरा । नेपाल पुलिस क्लब आहा रारा गोल्डकप फुटबलको क्वार्टर–फाइनलमा प्रवेश गरेको छ

आहा रारा गोल्डकपमा एपीएफको विजयी सुरुवात

पोखरा । पोखरामा आजदेखि शुरु भएको २० औं आहा रारा गोल्डकपमा आयोजक सहारा