राष्ट्रिय महिला लिग फुटबलमा एपीएफद्वारा त्रिभुवन आर्मी पराजित



काठमाडौं । राष्ट्रिय महिला लिग फुटबलअन्तर्गत मंगलबार भएको खेलमा सशस्त्र प्रहरी बलको एपीएफ क्लबले नेपाली सेनाको त्रिभुवन आर्मी फुटबल क्लबलाई २–० गोलले पराजित गरेको छ । एपीएफ लगातार तेस्रो खेलमा विजयी भएको हो ।

ललितपुरको सातदोबाटोस्थित एन्फा कम्प्लेक्स मंगलबार भएकको खेलमा एपीएफका लागि अञ्जली कुमारी योन्जन र सरु लिम्बुले एक एक गोल गरिन् । एपीएफले दुवै गोल पहिलो हाफमा गरेको हो । खेलको २७औँ मिनेटमा एपीएफका लागि योन्जनले पहिलो गरेकी थिइन् । पहिलो हाफको इन्जुरी समयमा लिम्बुले एपीएफका लागि दोस्रो गोल गर्दै आफ्नो टोलीलाई जित दिलाइन् । खेलको ‘प्लेयर अफ दि म्याच’ एपीएफकै अनिता केसी घोषित भइन् ।

एपीएफले हालसम्म तीन खेलमा ९ अङ्क जोडेको छ । एपीएफ तालीकाको शीर्ष स्थानमा छ । एपीएफले पहिलो खेलमा चन्द्रपुर नगरपालिकालाई ६–० गोलले तथा दोस्रो खेलमा विराटनगर महानगरपालिकालाई ७–० गोलले पराजित गरेको थियो । आर्मी तीन खेलमा ४ अङ्क जोडेर तेस्रो स्थानमा छ । आर्मीले पहिलो खेलमा पुलिस क्लबसँग गोलरहित बराबरी खेलेको थियो । दोस्रो खेलमा स्याङ्जाको वालिङ नगरपालिकालाई ७–० गोलले पराजित गरेको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
धुर्मुस सुन्तली फाउण्डेशनको अभियानः रंगशालालाई एक लाख दिनोस्, आफ्नो नामको कुर्सी राख्नोस्

काठमाडौं । चितवनको भरतपुरमा निर्माणाधीन गौतमबुद्ध अन्तर्राष्ट्रिय क्रिकेट रंगशालामा एक लाख रुपैयाँ दिएर

बी डिभिजन लिगमा सातदोबाटोको अपाराजित यात्रा कायमै

काठमाडौं । श्री भगवती क्लबमाथि १–० को साँघुरो जित निकाल्दै सातदोबाटो युथ क्लबले

ला लिगामा भियारियलबिरुद्ध एट्लेटिको मड्रिडको सहज जित

स्पेनिस ला लिगा फुटबलको पछिल्लो खेलमा एटलेटिको मड्रिड, ग्रनाडा र रियल बेटिस विजयी

सिरी ए फुटबलमा मिलान र इन्टर मिलान विजयी,ईन्टरलाई शीर्ष स्थानमा ४ अंकको अग्रता

इन्टर मिलानले इटालीयन सिरी ए फुटबलको शीर्ष स्थानमा ४ अंकको अग्रता कायम राखेको