टटनह्याम एफ ए कप फुटबलमा फराकिलो अन्तरले विजयी

टटनह्याम एफए कप फुटबलको प्रिक्वार्टरफाईनलमा प्रबेश गरेको छ । चौथो चरणको खेलमा गएराती वेकम्व वन्डर्सलाई ४–१ गोल अन्तरले हराउदै टटनह्यामले अघिल्लो चरणको यात्रा तय गरेको हो ।

वन्डर्सको मैदानमा पहिलो हाफ एक एक गोलको बराबरीमा सकिएको खेलको दोस्रो हाफमा ३ गोल गर्दै टटनह्यामले जित हात पारेको हो । उसको जितमा टाङग्वे डोम्बेलेले २ तथा गारेथ वेल र ह्यारी विन्क्सले एक एक गोल गरे ।

खेलमा अग्रता भने २५ औ मिनेटमा घरेलु टोली वन्डर्सले लिएको थियो । टटनह्यामले अन्तिम १६ को प्रतिस्पर्धा एभर्टनसंग खेल्नेछ । एफए कपमा आज राती बर्नमाउथ र क्राउली टाउन प्रतिस्पर्धा गर्नेछन् ।