इंग्लिस प्रिमियर लिगमा चेल्सी विजयी



इंग्लिस प्रिमियर लिग फुटबल अन्तर्गत गएराति भएको खेलमा चेल्सी विजयी भएको छ । शीर्ष ३ मा रहेर लिग टुंग्याउने दिशामा रहेको चेल्सीले गएराति क्रिष्टल प्यालेसलाई ३—२ ले पराजित गर्यो ।

खेलको छैटौँ मिनेटमा ओलिभर जिरउडको गोलबाट अग्रता लिएको चेल्सीका लागि क्रिष्टियन पुलिसिकले २७ औँ मिनेटमा गोल गरेर अग्रता दोब्बर पारे ।

३४ औँ मिनेटमा विलफ्रेड जाहाले क्रिष्टल प्यालेसका लागि एक गोल फर्काए । ७१ औँ मिनेटमा चेल्सीका लागि ट्यामी अब्राहमले गोल गरे भने ७२ औँ मिनेटमा क्रिष्टियन बेनटेकले गोल गरे ।

तेस्रो स्थानको चेल्सीको ३४ खेलबाट ६० अंक भएको छ । पराजित भएको क्रिष्टल प्यालेस ३४ खेलबाट ४२ अंकसहित १४ औँ स्थानमा छ ।

लिग अन्तर्गत मंगलबार राति नै भएको अर्को खेलमा वाट्फोर्डले नर्विच सिटीलाई २–१ ले पराजित गरेको छ । यस्तै अर्को खेलमा लेस्टर सिटी अर्सनलसँग बराबरीमा रोकिएको छ ।

१० खेलाडीमा सीमित सिटीले भएको आर्सनलसँग १–१ को बराबरी खेल्दै अंक बाँड्यो । २१ औँ मिनेटमा पिएर एमरिकको गोलबाट आर्सनलले सुरुवाति अग्रता लियो ।

७५ औँ मिनेटमा एडी एनकेटिया सीधै रातो कार्ड पाएर मैदानबाट बाहिरिएपछि आर्सनल १० खेलाडीमा सीमित भयो । ८४ औँ मिनेटमा जेमी भर्डीले लेस्टर सिटीका लागि बराबरी गोल गरेर टिमलाई हारबाट जोगाए । चौथो स्थानमा रहेको सिटीको ३४ खेलबाट ५९ अंक भएको छ । आर्सनल ५० अंकसहित सातौँ स्थानमा कायम छ । एजेन्सी

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
चेतन घिमिरे राष्ट्रिय फुटबल टोलीको सहायक प्रशिक्षक नियुक्त

काठमाडौं । नेपाली राष्ट्रिय फुटबल टोलीको सहायक प्रशिक्षकमा चेतन घिमिरे र गोलकिपिङ प्रशिक्षकमा

राष्ट्रिय कराते प्रतियोगिताको उपाधि खेलकुद प्रतिष्ठानलाई

खोटाङ । खोटाङको दिक्तेलमा बिहीबार सम्पन्न राष्ट्रिय कराते प्रतियोगिताको उपाधि नेपाल खेलकुद प्रतिष्ठानले

कबड्डी टोली बंगलादेश प्रस्थान

काठमाडौँ । चौथो बङ्गबन्धु कप पुरुष अन्तर्राष्ट्रिय कबड्डी प्रतियोगितामा सहभागी हुन बिहीबार १२

महिला एसिया कप क्रिकेटका लागि नेपाली टोली घोषणा

  काठमाडौँ  । नेपाल क्रिकेट सङ्घ (क्यान) ले एसिसी महिला एसिया कप क्रिकेट