‘ए’ डिभिजन क्लबहरुलाई सहयोग रकम हस्तान्तरण



काठमाडौं महानगरपालिकाले काठमाडौं जिल्लाका ‘ए’ डिभिजन क्लबहरुलाई सहयोग रकम हस्तान्तरण गरेको छ ।महानगरपालिकाले सोमबार एक कार्यक्रमको आयोजना गर्दै काठमाडौंका ६ ‘ए’ डिभिजन क्लबलाई प्रति क्लब १० लाखका दरले ६० लाख रुपैया सहयोग रकम हस्तान्तरण गरेको हो ।

क्लबका अध्यक्ष तथा प्रतिनिधिलाई काठमाडौं महानगरपालिकाका मेयर विद्यासुन्दर शाक्य, उपमेयर हरिप्रभा खड्गी श्रेष्ठ, एन्फा अध्यक्ष कर्माछिरिङ शेर्पा लगायतले चेक हस्तान्तरण गरे । महानगरले गतवर्षदेखि यो कार्यको थालनी गरेको थियो । मछिन्द्र क्लब,  मनाङ–मस्र्याङ्दी क्लब, संकटा क्लब, हिमालयन शेर्पा क्लब, न्युरोड टिम (एनआरटी) र सरस्वती क्लब महानगरबाट सहयोग रकम पाउने ‘ए’ डिभिजन क्लब हुन् । सरस्वती क्लब यसपटक ‘बी’ डिभिजनमा घटुवा भएको छ ।  महानगरका मेयर विद्यासुन्दर शाक्यले अघिल्लो वर्ष नै हुनुपर्ने कार्यक्रम केही ढिला हुन पुगेको बताउदै अर्काे वर्ष नियमित समयमै रकम हस्तान्तरण गरिने बताउनुभयो । केही क्लबको आन्तरिक समस्याका कारण तथा कोभिड–१९ का कारण ढिला हुन पुगेको उहाले बताउनुभयो ।

त्यस्तै महानगरकी उपप्रमुख हरिप्रभा खड्कीले महानगरको नीति तथा कार्यक्र र बजेटमा नै खेलकुद क्षेत्रलाई प्राथमिकतामा राखिएको जानकारी दिनुभयो । यो वर्ष ‘बी’ र ‘सी’ डिभिजनका क्लबलाई सहयोग दिन नसकिएपनि अर्काे वर्ष यो वर्षको सहित दोब्बर गरेर दिने योजना रहेको महानगरले जनाएको छ । महानगरले गत वर्ष ‘बी’ डिभिजनका क्लबलाई ३ लाख तथा ‘सी’ डिभिजनलाई २ लाख रुपैया प्रदान गरेको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नेपाल क्यानडासँग ६३ रनले पराजित

काठमाडौँ । आइसिसी टी–२० विश्वकप क्रिकेट खेल्ने तयारीमा रहेको नेपाल पहिलो अभ्यास खेलमा

सन्दीप लेख्छन्-मेरो सपना पूरा नभए पनि म के कुरामा खुसी छु भने, मेरो देशको सपना पूरा भएको छ

काठमाडौं । क्रिकेटर सन्दीप लामिछानेले विश्वकप खेल्ने आफ्नो सपना पूरा नभएपनि देशको सपना

अन्नपूर्ण आरोहण दिवसमा म्याराथन हुने

  गण्डकी । अन्नपूर्ण सेञ्चुरी पर्यटन समितिको आयोजना तथा अन्नपूर्ण गाउँपालिका कास्कीको व्यवस्थापनमा

हैदरावादलाई हराउँदै कोलकातालाई आइपिएलको उपाधि

काठमाडौँ । सनराइजर्स हैदरावादलाई पराजित गर्दै कोलकाता नाइट राइडर्सले १७ औँ संस्करणको इन्डियन