१५ वर्षीय कुशलद्वारा शतक प्रहार

इनरुवामा जारी क्रिकेट प्रतियोगितामा १५ वर्षीय कुशल मल्लले शतक प्रहार गरेका छन् । मनमोहन मेमोरियल (एमएम) एकदिवसीय क्रिकेट प्रतियोगितामा १५ वर्षीय कुशल मल्लले शतक प्रहार गरेका हुन् ।

प्रतियोगितामा नेपाल आर्मी क्लबका ब्याट्सम्यान कुशलले सशस्त्र प्रहरी बलविरुद्ध शतक प्रहार गरेको छ । पहिले ब्याटिङ गरेको आर्मीको तर्फबाट चौथो नम्बरमा ब्याटिङ गरेका कुशलले आउट हुनुअघि एक सय ११ रन जोडको छ । उनले सशस्त्रका प्रदीप ऐरीबाट बोल्ड हुनुअघि ६३ बलमा ५ चौका र १३ छक्का हिर्काए । खेलमा आर्मी ४६ ओभरमा २ सय ८१ रनमा अलआउट भएको छ ।