सागमा स्वर्ण जित्ने खेलाडीलाई जनही ५० हजार रुपैयाँ प्रदान

१३ औं दक्षिण एसियाली खेलकुद प्रतियोगिता (साग) का पदक विजेता खेलाडीहरूलाइ समान गरेको छ । बुधबार खेलकुद प्रतियोगिता (साग) का पदक विजेता खेलाडीहरूलाई ललितपुर महानगरपालिकाले सम्मान गरेको हो ।

महानगरपालिकाले स्थापनाको १०० औं वर्षको अवसर पारेर सागमा स्वर्ण जित्ने खेलाडीलाई जनही ५० हजार रुपैयाँ प्रदान गरेको हो । त्यसैगरी, रजत विजेतालाई ४० हजार र कास्य विजेतालाई ३० हजार प्रदान गरिएको छ । दुई स्वर्ण जितेका आयशा शाक्यले १ लाख पाएकी छिन् । दुई रजत र कास्य जित्ने खेलाडीलाई पनि सोही अनुसार नगद प्रदान गरिएको महानगरपालिकाका प्रवक्ता राजु महर्जनले जानकारी दिए ।

कार्यक्रमलाई सम्बोधन गर्दै मेयर चिरिबाबु महर्जनले सागमा पदक विजेता खेलाडीहरूलाई एसियन र ओलम्पिकबाट पदक जितेर आए अझ ठूलो रकमले सम्मान गर्ने बताए । सम्मान कार्यक्रममा महानगरभित्रको बासिन्दा रहेका २१ खेलाडी सम्मानित भएका हुन् ।