एएफसी फुटसल च्याम्पियनसीप छनोट खेल्न नेपाली टोली इरान प्रस्थान



काठमाडौं । तुर्कमेनिस्तानमा सन् २०२० मा आयोजना हुने एएफसी फुटसल च्याम्पियनसीपको छनोट चरणअन्तर्गतको खेल खेल्न आइतबार नेपाली राष्ट्रिय फुटसल टोली इरान प्रस्थान गरेको छ ।

यही कात्तिक ६ देखि ८ गतेसम्म हुने उक्त छनोट चरणको खेलका लागि १४ खेलाडी र छ अफिसियलसहित २० सदस्यीय नेपाली टोली त्यसतर्फ प्रस्थान गरेका हुन् । छनोट खेलमा नेपाल समूह ‘ए’ मा रहेको छ ।

नेपालको समूहमा ताजकिस्तान, उज्वेकिस्तान र अफगानिस्तान रहेका छन् । यही कात्तिक ६ गते उद्घाटन समारोहपछि नेपालले ताजकिस्तानसँग खेल्दै खेल शुभारम्भ गर्नेछ । त्यसैगरी नेपालले दोस्रो खेल कात्तिक ७ गते उज्वेकिस्तानसँग तथा अन्तिम खेल ८ गते अफगानिस्तानसँग खेल्नेछ ।

नेपाली टोलीमा विजय गुरुङ, अनिष श्रेष्ठ, निर्मल गुरुङ, सरोज तामाङ, आदिल हमिद, अभय राना, अरुज सिंह, विजय श्रेष्ठ, सरोज गुरुङ, विनोद गुरुङ, आशिष लामा, मणि लामा, सुमित आले र सन्जोग चाम्लिङ राई छन् ।

त्यस्तै नेपाली टोलीको मुख्य प्रशिक्षकमा विष्णु गुरुङ र सहायक प्रशिक्षकमा गौरव बस्नेत रहेका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘बी’ डिभिजन लिगमा सातदोबाटो पराजित

काठमाडौं । शहीद स्मारक ‘बी’ डिभिजन लिग फुटबलअन्तर्गत सोमबार भएको खेलमा सातदोबाटो युथ

लापोर्टा बार्सिलोनाको अध्यक्षमा निर्वाचित

स्पेनिस महारथी फुटबल क्लब बार्सिलोनाको अध्यक्षमा जोन लापोर्टा निर्वाचित भएका छन् । शनिबार

प्रिमियर लिगमा म्यानचेष्टर सिटी युनाईटेडसंग पराजित

प्रिमियर लिग लिडर म्यानचेष्टर सिटीको २१ खेल लामो अपराजित यात्रामा पुर्णबिराम लागेको छ

बी डिभिजन लिगमा श्रीकुमारी र बाँसबारी विजयी

काठमाडौं । नयाँबस्ती युवा क्लबलाई ४–३ ले हराउँदै श्री कुमारी क्लबले राजधानीमा जारी