गोलढुंगाबाट नक्कली नोटसहित तीनजना पक्राउ
काठमाडौं । काठमाडौंको तारकेश्वर नगरपालिका वडा नम्बर ५ मा पर्ने गोलढुंगा नगिनी खोला नजिकबाट नक्कली नोटसहित तीनजना प्रकाउ परेका छन् ।
हिम्मत बमको घरको भुइँतलामा भाडामा बस्ने खोटाङका लक्ष्मी पाण्डे, लमजुङका सुवास गुरुङ र रामेछापका मदन दमाईलाई सशस्त्र प्रहरीले पक्राउ गरेको हो । उनीहरूको कोठाबाट नेपाली रुपैयाँ एक हजारको १८२ थान नक्कली नोट र नोट बनाउन प्रयोग हुने कागज २०० थान बरामद भएको सशस्त्र प्रहरीले जनाएको छ ।
नोट छाप्न प्रयोग हुने मेसिन फेला नपरेकाले अन्यत्रबाट नक्कली नोट बनाएर त्यहाँ ल्याइराखेको हुन सक्ने आशंका गरिएको छ ।
