पूर्वनिर्वाचन आयुक्त सुधीरकुमार शाह पक्राउ
काठमाडौं । बालुवाटारस्थित ललिता निवासको सरकारी जग्गा प्रकरणको अनुसन्धानलाई प्रहरीले तीब्र बनाएको छ । यसैक्रममा नेपाल प्रहरीको केन्द्रीय अनुसन्धान ब्युरोले मंगलबार संलग्नहरुलाई पक्राउ गर्न अभियान नै चलाएको छ ।
यसैक्रममा ब्युरोले पूर्वनिर्वाचन आयुक्त सुधीरकुमार शाहलाई पनि पक्राउ गरेको छ । यस प्रकरणमा प्रहरीले मंगलबार नै भाटभटेनी सुपर मार्केटका सञ्चालक मीनबहादुर गुरुङलाई पनि पक्राउ गरेको छ ।
त्यसैगरी पक्राउ पर्नेमा डिल्लीबजार मालपोत कार्यालयका तत्कालीन कर्मचारी गोपाल कार्की, अवकाशप्रपाप्त सहसचिव कलाधर देउजा, कर्मचारीहरु धर्मप्रसाद गौतम, सुरेन्द्रमान कपाली र भूपेन्द्रमणि केसी छन् ।
ललिता निवासको जग्गा हिनामिना प्रकरणमा अख्तियार दुरुपयोग अनुसन्धान आयोगले तत्कालीन पूर्वउपप्रधानमन्त्री, पूर्वमन्त्री, तत्कालीन आयोगका आयुक्तसहित १७५ जनाविरुद्ध २०७६ मंसिरमा विशेष अदालतमा मुद्दा दायर गरेको थियो।
