“बन्न नसक्दा कसैलाई चासो छैन, बनेपछि कर उठाउन हतार “
बलराम प्यासी ।
ललितपुरको ग्वार्कोस्थित गुण सिनेमा हलको पुर्वतर्फ कर्मनासा खोला किनारमा बन्दै गरेको १३ तल्ले अपार्टमेन्ट २०७२ सालको भूकम्पपछि निर्माण हुन नसकी करोडौंको सम्पत्ति नस्ट हुँदैछ भने अपार्टमेन्ट खण्डहरमा परिणत हुँदैछ |
निजी कम्पनीले २०७० सालदेखि बनाउन लागेको करिव २०० वटा पारिवारिक कोठासहितको अपार्टमेन्टको नक्सा,अन्य प्राविधिक या आर्थिक, के कारणले बन्न नसकेको हो ललितपुर महानगरपालिकाले चासो दिएको छैन | सबै पालिकाहरुले आफ्नो क्षेत्रमा विविध कारणले निर्माण हुन नसकेका यस्ता घर, फ्ल्याट,अपार्टमेन्ट र कोलोनीको तत्कालैदेखि तथ्यांक लिएर निर्माण सम्पन्नको लागि पहल गर्नुपर्छ |
निर्माण सकिएको भए घरजग्गा कर, घरभाडा कर, फोहोरमैला कर, आय कर उठाउन ताकेता गर्ने महानगरपालिकाले अपार्टमेन्ट बनाउन पनि आवस्यक पहल गरिदिए कति राम्रो हुन्थ्योहोला ? कर उठाउनेले घर बनाउने कार्यमा पनि सहयोग गर्न सक्नुपर्छ |
जसको भएपनि यो अपार्टमेन्टको निर्माण सम्पन्नपछि महानगरको शोभा बढ्ने मात्रै नभई महानगरको नियमित आय पनि बढ्ने र २०० परिवारले शहरमा राम्रो वासस्थान पाउने कुरामा दुईमत छैन |
