नेपाली सेनाद्वारा खोज तथा उद्धारको नमूना प्रदर्शन



रसुवा । दैवी विपत्तिको बेला नेपाली सेनाले गर्दै आएको खोज तथा उद्धारका कलासार्वजनिकरूपमा प्रदर्शन गरेको छ । भूकम्प दिवस अन्तरगत जिल्ला विपद् व्यवस्थापन समितिको आग्रहमा शुक्रबार नेपाली सेना कालिजङ्ग गणले धुञ्चेको खुला मञ्चमा घर भत्केर थिचिएका र असहज स्थानमा घाइते वा बिचलित भएका व्यक्तिलाई गरिने उद्धारको कला प्रस्तुत गरेको थियो ।

नेपाली सेना, सशस्त्र प्रहरी एवं नेपाल प्रहरीले संयुक्तरूपमा गर्ने खोज उद्धारका तौर तरिकाको बारेमा आम नागरिकलाई जानकारी गराउने उद्देश्यका साथ सुरक्षा निकायमार्फत भूकम्प दिवसका अवसर पारेर सार्वजनिकस्थलमा पहिलो पटक कला प्रस्तुत गरिएको प्रमुख जिल्ला अधिकारी हरिप्रसाद पन्तले जानकारी दिए ।

सर्वप्रथम आकस्मिकरूपमा बिपद् परेका व्यक्तिलाई खोजउद्धार गरी अस्पताल पठाउने, दोश्रोमा चौपाया खोज्ने र तेस्रोमा पुरिएका धनमाल खोजतलास गरी नेपाल प्रहरीमार्फत स्थानीय जनप्रतिनिधिको रोहवरमा घाइतेका आफन्तजनलाई बुझाउने कलाको प्रर्दशन भएको थियो ।

असहज ठाउँका घाइते व्यक्तिलाई डोरी एवं घरमा पुरिएका व्यक्तिलाई औजार सामग्रीको सहायताले बाहिर निकाली उपचारमा पठाइएको कलासमेत सर्वसाधारण माझ नेपाली सेनाले प्रस्तुत गरेको कार्यक्रमका सहभागीले बताए ।

बिपद् परेका व्यक्तिलाई गरिने उद्धारको नमुना देखाई आम नागरिकको मनोवल उच्चपार्ने कार्यमा नेपाली सेनाले गरेको कला प्रर्दशनबाट खोज तथा उद्धारमा जुट्न स्थानीय वासिन्दासमेतलाई चेतनाको अभिवृद्विमा मद्दत पुगेको स्थानीय समाजसेवी सोनाम साङ्मो तामाङले जानकारी दिए । भूकम्प दिवस अन्तरगत जिल्ला प्रशासन कार्यालय रसुवाको आयोजना र रेडक्रस रसुवा शाखाको सहयोगमा प्रभातफेरीका कार्यक्रम सम्पन्न भएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सेनाद्वारा बुटवल र भैरहवाका अस्पतालमा अक्सिजन हस्तान्तरण

काठमाडौं । नेपाली सेनाले भैरहवा र बुटवलका अस्पताललाई ४० सिलिण्डर अक्सिजन उपलब्ध गराएको

सैनिक अस्पताललाई तीन थान अक्सिजन सिलिण्डर सहयोग

काठमाडौं । नेपाली सेनाको छाउनीस्थित वीरेन्द्र सैनिक अस्पताललाई अक्सिजन सिलिण्डर सहयोग गरिएको छ

खोप खरिदमा भएको कमिशनको चलखेलबारे छानिबिन गर्न सरकारसँग पूर्वसुरक्षाकर्मी परिषद् नेपालको माग

काठमाडौं । पूर्वसुरक्षाकर्मी परिषद् नेपालले खोप खरिदमा कमिशनको खेल भएको भन्दै त्यसमा संलग्नलाई

प्रधानसेनापतिद्वारा अधिकृत क्याडेटलाई आयुक्त पद प्रदान

भक्तपुर । भक्तपुरको खरिपाटीस्थित नेपाली सैनिक प्रतिष्ठानमा सञ्चालित ५९ औँ समूहको अधिकृत क्याडेट