संसद अधिवेशन अन्त्य गर्न सिफारिस
काठमाडौँ । सरकारले प्रतिनिधिसभाको अधिवेशन अन्त्य गर्न राष्ट्रपतिसमक्ष सिफारिस गरेको छ । सोमबार साँझ बसेको मन्त्रिपरिषद बैठकले आजै मध्यरातदेखि अधिवेशन अन्त्य गर्न राष्ट्रपति विद्यादेवी भण्डारी समक्ष सिफारिस गरेको परराष्ट्रमन्त्री प्रदीप ज्ञवालीले जानकारी दिएका छन् ।
प्रधानमन्त्रीले विश्वासको मत लिने प्रयोजनका लागि आजका लागि अधिवेशन बोलाइएको थियो । तर प्रधानमन्त्री ओली विश्वासको मत लिन असफल भएका छन् । प्रधानमन्त्रीका पक्षमा ९३ मत पर्यो भने विपक्षमा १२४ मत परेको थियो । संसद्बाट विश्वासको मत नपाएपछि प्रधानमन्त्री ओली पदमुक्त भएका छन् ।
