रामचन्द्र पौडेलले अघि सारे महाधिवेशनका लागि १० एजेण्डा
काठमाडौं । नेपाली कांग्रेसका वरिष्ठ नेता रामचन्द्र पौडेलले आशन्न १४ औं महाधिवेशनका लागि आफ्ना १० एजेण्डा अघि सारेका छन् । उनले आसन्न महाधिवेशनमा सभापति पदमा आकांक्षा राख्दै शनिबार १० बुँदे एजेण्डा अघि सारेका हुन् ।
यस्ता छन् पौडेलका एजेण्डा
१) नेपालको वर्तमान संविधान लागु गर्ने ।
२) नेपाली कांग्रेसको विधान पालना गर्ने गराउने ।
३) नेपालको उन्नतिको बाटो देखाउने ।
४) नेपालमा सुशासन लागु गराउने ।
५) नेपालको असंलग्नता र तटस्थतालाई बचाउने ।
६) नेपाली कांग्रेसलाई नेपाली जनताको भरोसाको केन्द्र बनाउने ।
७) कम्युनिस्ट भ्रम र शब्दजालबाट नेपाली जनतालाई मुक्त गराउने ।
८) नेपाली जनतामा देशभक्तिको भावना जगाउने ।
९) नेपाली संस्कृति परम्परा र नेपाली विशेषताको पहिचान गराउने ।
१०) नेपाली कांग्रेस विचार शून्य र दिशाविहीन छैन भन्ने सावित गराउने ।
