नेपाललाई पूर्णरुपमा विद्युतमा आत्मनिर्भर बनाउन कुलमानलाई निरन्तरता दिनुपर्छः डा. लोहनी
डा. प्रकाशचन्द्र लोहनी ।
कुलमान घिसिङको कार्य क्षमता अब नेपालमा सबैलाई थाहा छ । उनले यो इज्जत आफ्नो कामबाट कमाएका हुन् । अब उनको चार बर्षे कार्यकाल सकिँदैछ । बिचौलिया र दलाल पूँजीवादमा डुबेको यो सरकारले उनलाई फेरि नियुक्त गर्छ जस्तो मलाई लाग्दैन । तर अर्को चार वर्ष उनलाई काम गर्ने मौका दिनै पर्छ । मूलतः आउँदो चार वर्षमा उनलाई मोटामोटी निम्न काम को जिम्मा दिनुपर्छः
१. भारतबाट हाल पनि नेपालको कुल खपतको ३० प्रतिशत हाराहारीमा विद्युत आयात हुन्छ अब अर्को चार बर्षमा नेपाल पूर्णरुपमा विद्युतमा आत्मनिर्भर हुनुपर्छ ।
२. कम्पनी राम्रै नाफामा जान थालेको परिवेशमा अबको चार बर्षभित्र थप पूँजी जनताको लागि सेयर बजारमा बेच्ने र प्राधिकरणमा जनताको स्वामित्व कमसेकम ५० प्रतिशत पुर्याउने ।
३. नयाँ सेयर किन्ने लगानीकर्तालाई कमसेकम १२ देखि १५ प्रतिशत लगानीमा प्रतिफल सुनिश्चितता गर्ने ।
४. जलविद्युत बाहेक अन्य उर्जा श्रोतबाट १० देखि १५ प्रतिशत विद्युत उत्पादन गर्ने ।
