राप्रपाद्वारा ६ सदस्यीय सुझाव समिति गठन
काठमाडौं । राष्ट्रिय प्रजातन्त्र पार्टीले पार्टी एकीकरण सम्बन्धि आधारपत्रमा उल्लेखित बिषयहरुको कार्यान्वयन र थप व्याख्याको निमित्त सात दिनभित्र सुझाव सहितको प्रतिवेदन पेश गर्ने गरि सुझाव समिति गठन गरेको छ ।
अध्यक्ष त्रय कमल थापा, पशुपतिशम्सेर राणा र डा. प्रकाशचन्द्र लोहनीको बुधबार बसेको बैठकले सुझाव समिति गठन गरेको हो । समितिमा दीपक बोहोरा, बुद्धिमान तामाङ, राजेन्द्र लिङदेन, विक्रम पाण्डे, ध्रुवबहादुर प्रधान र श्यामप्रसाद तिमिल्सिना छन् ।