सरकारका हातखुट्टा बाँधेर चौतर्फी हमला भयोः सांसद अधिकारी
काठमाडौं । सत्तारुढ नेकपाका सांसद खगराज अधिकारीले कोरोना नियन्त्रणमा काम गरिरहेको सरकारका हातखुट्टा बाँधेर चौतर्फी हमला भइरहेको भन्दै आपत्ति जनाएका छन् । बिहीबारको प्रतिनिधिसभा बैठकमा अधिकारीले सरकारका हातखुट्टा बाँधेर सरकारले गर्न दिएन भन्दै चौतर्फी हमला भएको भन्दै आपत्ति जनाएका हुन् ।
उनले सर्वोच्च अदालतले चालु आर्थिक वर्षको साउनबाट कर उठान नपाउने भनेको र राष्ट्रपति कार्यालयको गलैचा फेरेको विषयमा अलोचना गरी सरकारलाई चौतर्फी घेराबन्दी गरिएको बताए ।
अधिकारीले क्वारेन्टाइन अव्यवस्थित नभएकाले गर्भवती र सुत्केरी महिलाहरुको हेरचाहमा विशेष ध्यान दिन आग्रह गरे । सरकारमाथि भइरहेका हमलाको सामना गर्दै आइसोलेसन र क्वारेन्टाइन बढाएर पीसीआर परीक्षणको दायरा बढाउन सरकारलाई आग्रह गरे ।
