मन्त्रिपरिषद बैठक बस्दै, लकडाउनको मोडालिटी परिवर्तनको निर्णय हुनसक्ने
काठमाडौं । लकडाउनका कारण आजित भएर त्यसको उल्लंघन गर्ने क्रम बढेपछि त्यसबारेमा निर्णय गर्न मन्त्रिपरिषद् बैठक आज बस्दै छ । प्रधानमन्त्री निवास बालुवाटारमा आज अपरान्ह बैठक बैठक बोलाइएको छ । बैठकले लकडाउनको मोडालिटी परितर्वन गर्ने बारेमा छलफल हुने बताइएको छ । जेठ १७ गते बसेको मन्त्रिपरिषद् बैठकले लकडाउन जेठ ३२ सम्म बढाउँदै मोडालिटीबारे अध्ययन गर्न उपप्रधान तथा रक्षामन्त्रीको संयोजकत्वमा रहेको उच्चस्तरीय समितिलाई निर्देशन दिएको थियो ।
समितिको गृहकार्यसँगै प्रधानमन्त्री केपी शर्मा ओलीले बुधबार विज्ञहरुसँग परामर्श गरेका थिए । विज्ञहरुले प्रधानमन्त्रीलाई लकडाउन तत्काल खुकुलो पार्न र कोरोना परीक्षणको दायरा बढाउन सुझाव दिएका थिए । यता व्यवसायीले सरकारले लकडाउन मात्रै गरेको भन्दै उल्लंघन गरी व्यापार व्यवसाय संचालन गर्ने चेतावनी दिएका छन् ।
