सत्तासंघर्षका कारण सरकारप्रति जनताको विश्वास गुम्योः अध्यक्ष राणा



काठमाडौं । राष्ट्रिय प्रजातन्त्र पार्टी (राप्रपा) का अध्यक्ष पशुपति शमशेर राणाले महामारी विरुद्धको संघर्षमा सरकारले आवश्यक समय र नेतृत्व दिन नसकेको आरोप लगाएका छन् ।

सरकार सत्ताको लेनदेन र भागबण्डामा ब्यस्त रहँदा, पार्टी अध्यक्षको टेबल र रातो कपडा प्राथमिकतामा परेको, कोरोना प्रकोप र आर्थिक संकटको मुद्दा ओझेलमा परेको राणाले बुधबार बताए ।

‘केही दिन अघिसम्म सरकार सत्ताको छिनाझपटीमा ब्यस्त थियो । अब स्थायी समितिको बैठक छ । अर्थात बालुवाटारमा सघन छलफल जारी छ, बिषय तर कोरोना हैन रातो कपडा, अध्यक्षको टेबल र सत्ताको भागबण्डा छ,’ उनले भने ।

सत्तारूढ नेकपा भित्रको सत्तासंघर्षका कारण जनता सरकारप्रति विश्वस्त रहन नसकेको भन्दै उनले भने, ‘महामारी, आर्थिक संकटसँग जुध्न सरकारलाई समय कहिले मिल्ने हो ? जनजिब्रोमा यही प्रश्न झुण्डिएको छ ।’

बन्दाबन्दीको समय ढेड महिना बितिसक्दा पनि सरकारले अत्यावश्यक चाँजोपाँजो मिलाउन नसकेको राणाको टीप्पणी छ । स्वास्थ्य उपकरण, स्वास्थ्य परीक्षण, क्वारेन्टाइन व्यवस्थामा अभाव कायम रहेको भन्दै सरकारको स्वास्थ्य रणनीति अन्योलग्रस्त रहेको उनले ट्वीट गर्दै बताए ।

‘बन्दाबन्दी ४४ दिन भयो । यसबीच क्वारेन्टाइन सुविधा, स्वास्थ्य उपकरणको उपलब्धता ब्यवस्थित हुनुपर्ने हो । स्वास्थ्य परीक्षण ब्यापक बन्नुपर्ने हो । विदेशमा रहेका नेपाली फिर्ता ल्याउन स्पष्ट खाका तय भइसक्नु पर्ने हो,’ राणाले भने । ‘तर महामारी विरुद्धको हाम्रो संघर्ष नेतृत्वविहीन छ, अभावग्रस्त छ ।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
महाधिवेशनमा दस्तावेज लेखनका लागि सुझाव पठाउन पार्टी कमिटीलाई एकीकृत समाजवादीको सर्कुलर

  काठमाडौँ ।  नेकपा  (एकीकृत समाजवादी), सम्पर्क विशेष प्रदेश कमिटीले पार्टीको १०औँ महाधिवेशनमा

समसामयिक राजनीतिक परिस्थितिबारे चिनियाँ राजदूतको चासो

काठमाडौँ । पूर्वप्रधानमन्त्री झलनाथ खनाल र नेपालका लागि चिनियाँ राजदूत छन् सोङबीच भेटवार्ता

उपप्रमुख सञ्जालको सातौँ बैठक: संशोधन विधेयकमा साझा धारणा बनाउने

काठमाडौं । काठमाडौँ उपत्यकाको स्थानीय तह उपप्रमुख र उपाध्यक्ष सञ्जालको बैठकले स्थानीय सरकार

संसदमा सत्तापक्ष र प्रतिपक्षबीच भागबण्डामात्रै भयोः सांसद सुवाल

काठमाडौँ । नेपाल मजदुर किसान पार्टीका तर्फबाट भक्तपुर निर्वाचन क्षेत्र नम्बर १ बाट