कोरोना रोकथामका बारेमा देउवाद्वारा पूर्वप्रधानमन्त्रीहरुसँग कुराकानी
काठमाडौं । नेपाली कांग्रेसका सभापति शेरबहादुर देउवाले कोरोना संक्रमण रोकथामका बारेमा पूर्वप्रधानमन्त्रीहरुसँग कुरा गरेका छन् । सभापति देउवाले पूर्वप्रधानमन्त्री लोकेन्द्रबहादुर चन्द, पुष्पकमल दाहाल, माधव नेपाल, झलनाथ खनाल, डा. बाबुराम भट्टराई तथा मन्त्रिपरिषदका पूर्वअध्यक्ष खिलराज रेग्मीसँग आइतबार टेलिफोनमा कुरा गरेका हुन् । त्यसक्रममा उहाँहरुसँग आजको संकटबाट नेपाल र नेपालीलाई जोगाउन ऐक्यवद्ध भएर गम्भीर ढंगले कार्य गर्न आफूले अपील गरेको उनले उल्लेख गरेका छन् ।