महेशराज दाहाल फिजीका लागि गैरआवासीय राजदूत नियुक्त
काठमाडौं । राष्ट्रपति विद्यादेवी भण्डारीले नेपालको संविधानको धारा २८२ को उपधारा (१) बमोजिम अष्ट्रेलियाका लागि नेपालका आवासीय राजदूत महेशराज दाहाललाई फिजीका लागि समेत गैरआवासीय नेपाली राजदूतमा नियुक्त गरेकी छन् ।
राष्ट्रपतिको कार्यालयका प्रवक्ता हरिप्रसाद दहालद्वारा शुक्रबार जारी विज्ञप्तिमा सो कुरा जनाइएको छ ।